ثمـان سنيـن أجـي نفـس المكـآن بسآعـة المغـرب ..!

[احساس شاعر]

\
\


على الموعد بـ ( لهـــفه ) جيت لامانع ولا تأخير ..!
لفيت من العصر هايم مع إن الموعد المغرب ,,



وجتني بس مدري ليـــه شعرت الجيه هذي غير ..
وهي تقرب من عيوني شعرت إن الممات أقرب ..!


وقلت الله يهونها عسى في جيتك لي خير ..!؟
أنا من شفتك أقبلتي وأنا خايف ومستغـــرب ..



على كثر الحكي مدري .. كأنه خانها التعبير ..!
وقالت لي جمل وأشياء لاتكتب ولا تعـــرب ,,


هدت فجأه تطالعني وأنا في حاجة التفسير ..!
لجل نحكي بهدوء أكثر سألت : الحلوه وش تشرب ..!



فصاحت بي أنا أحبك ولك في هالحشا تقدير ..
وتدري إن المثل فينا وفي إحساسنا يضرب ..



وكنت إنت الوفي وإنت البرئ من تهمة التقصير ,,
ولكن ذي عوايدهم من أيــــام وزمن يثـــرب ..!



تكون البنت لإبن العم ورغبات الكبار تصير ,,
وتدري الأقربون أولى .. مع إنك للخفوق أقرب ..!



وتدري للقدر كلمه ... ولعادات الاهل تـــأثير ..
لذا أرجـوك تتركني وأنا من واقعك بهرب ..



شعرت بحكيها كنه قصاص وأمر بالتعـــزير ..!
وشعرت الدنيا ضاقت بي من المشرق إلى المغرب ,,



مشت خلت وراها طفل .. مايدرك وش التدبير ..
يحسب إن الغرام أبيات شعر وأغنية مطـــرب ..!



ضحكت وما قدرت إني ألاقـي لضحكتي تبرير ..؟
من اللي بوقتنا مره ضحك من لدغة العـــقرب ..!



رفضت أستوعب اللي صار ولا إستسلمت للتغيير ..
ثمان سنين أجي نفس المكان بساعة المغـــرب ..



برغم إن الثمان سنين جرح وكلفتــني كثيـــــر ..!
أنا لليوم أجي أدعي .. تجي يارب .. تجي يارب ..!
\
\

[الساري]

يقول الساري :
لعل الله رحمك بسابق العلم عنده والتدبير.....
وفكك من لقاء فيه الهلاك بساعة المغرب....

يعطيك العافية ...

((( الساري )))

[العيون السود]

ربى ضاره نافعه.......يعطيك العافيه

[وافيه بكلمتي]

الله يعوظك خير

تقبل مروري

[السامي]

إحساس شاعر

حروف راقيه ومعبره

ولحظات إنتضار عصيبه

شكرآ على هذه الرائعه

تقبل مروري

[لهفة الخاطر]

من بين حروفي المبعثره
اعجز عن التعبير لمدئ
اعجابي بهذه الكلمات الرائعه
مشكور ويعطيك ربي الف عافيه
تحياتي